سلوواکیا میں دنیا کا پہلا موبائل فون میوزیم قائم

ڈوبسینا(ویب ڈیسک)بین الاقوامی مارکیٹ میں ہر ماہ نت نئے اسمارٹ فونز متعارف ہونے کا سلسلہ جاری ہے، ایسے میں سلوواکیا سے تعلق رکھنے والا ٹیکنالوجی کا شوقین ایک شخص ایسا بھی ہے جس نے لوگوں کو ماضی کی سیر کرانے کے لیے پرانے موبائل فونز کا میوزیم تیار کر رکھا ہے۔اس میوزیم میں موبائل کی وہ بے شمار اشکال موجود ہیں جن سے ہوتے ہوئے اس وائر لیس ایجاد نے موجودہ جدید شکل اختیار کی۔سلوواکیا سے تعلق رکھنے والے آن لائن مارکیٹنگ اسپیشلسٹ 26 سالہ اسٹیفن پولگاری کے پاس موجود کئی موبائل فونز ایسے بھی ہیں جو ریلیز کے وقت آج کے کمپیوٹرز سے مہنگے تھے اور لوگ انہیں خریدنے کی استطاعت نہیں رکھتے تھے۔اسٹیفن پولگاری نے موبائل فونز اکھٹا کرنے کا آغاز دو سال قبل کیا اور اب ان کے پاس 1500 ماڈلز موجود ہیں جبکہ ان فونز کی نقول کو ملا کر یہ تعداد 3500 ہے۔

ڈوبسینا کے چھوٹے سے مشرقی شہر میں واقع اسٹیفن کے گھر کے دو کمرے اس میوزیم کے لیے مختص ہیں اور ان موبائل فونز کو دیکھنے کے خواہشمند افراد اپوائنٹمنٹ لینے کے بعد یہاں آسکتے ہیں۔اسٹیفن کے کلیکشن میں حال ہی میں دوبارہ ریلیز ہونے والے نوکیا 3310 سے لے کر 20 سال پرانا سیمنز کا فون بھی موجود ہے جو اب بھی بالکل ٹھیک کام کرتا ہے۔اپنی تنخواہ سے دو گنا مہنگا یہ فون انہوں نے سلوواکیا کی مقامی کرنسی میں 23 ہزار کا خریدا تھا۔اسٹیفن کے مطابق، ان کے پاس موجود فونز ڈیزائن اور ٹیکنالوجی کے وہ شاہکار ہیں جو اسمارٹ فونز کے برعکس ہمارا وقت نہیں چرایا کرتے تھے۔فون جمع کرنے کے شوقین اس شخص کے لیے یہ کہنا تو مشکل ہے کہ کونسا فون سب سے قیمتی ہے لیکن وہ نوکیا 350 آئی کے اسٹار وارز ایڈیشن کو سب سے زیادہ پسند کرتے ہیں۔

FM TOP CHART

Ban Ja Rani - Tumhari Sul..
01
Last Week:6
Chalti Hai Kya 9 Se 12 - ..
02
Last Week:4
Ghoomar - Padmavati..
03
Last Week:2
Aa To Sahi - judwaa 2..
04
Last Week:6
Sweety Tera Drama - Barei..
05
Last Week:5
Main Kaun Hoon - Secret S..
06
Last Week:3
Hawa Hawai 2.0 - Tumhari ..
07
Last Week:3
Mere Rashke Qamar - Baads..
08
Last Week:7
Golmaal Title Track - Gol..
09
Last Week:2
View More

Explore the Radio

Sales & Marketing
Rate card
Coverage Area

All Copyright © 2017 FM100 Pakistan.